V084T075 V084P103
[Da copia dattilografata]
Excellentissimo Domino Domino Wladislao Krynicki - Episcopo
Vicario Capitulari Wladislawiensia - Wladislawiae
Derthonae, Kalendis Octobribus, 1927.
Excellentissime Domine,
Mense Septembri anni 1925, iuxta Excellentissimi D. D. Stanislai Zdzitowiechi, defuncti Episcopi Wladislawiensis, paternas litteras Zdunska - Wola Blasium Marabotto Sacerdotem mittebam, qui Domui missionis Congregationis Nostrae praeesset.
Venerandus Ille Praelatus mihi dixerat se, nisi Sacerdotem misissem, qui Domui praeesset, multa removeret mala et totius rei in se periculum reciperet, maximo cum dolore eam clausurum esse, mihique aliquot menses ad deliberandum dedit. Dolebat se ab Alexandro Chwilowicz Sacerdote, qui abnormis ageret, huic extremo remedio pro Domo illa obligari.
Rei consului Blasium Marabotto Sacerdotem mittens, Congregationis Nostrae Religiosum professum, pium, eruditum et prudentem, ipsi Domino Chwilowicz gratissimum, qui et DD. Stanislaum Zdzitowiecki valde delectavit et ab eo probatus est. Deinde DD. Stanislaus Zdzitowiecki in Italiam venit, domosque nostras Romas, Patavii, Venetiisque visit, in quibus valde delectatus est. Se optare Domum Zdunska - Wola,
V084P104
eodem ordine regi adfirmavit.
Mihi conscius clericos, a D. Chwilowicz receptos instrui et imbui sapientia, quam Ecclesia iure exigit, Zdunska - Wola non posse, quattuor in Italiam vocavi abhinc duos annos maximaque cum laetitia novissime decem alios accepi. Ipsi in Seminariis Episcopalibus S. Theologiae Doctores audire solent. Attamen a Sacerdotibus et ipsis Poloniae clericis necnon a D. Marabotto Sac. accepi, Domos res, de quibus E. DD. Zdzitowiecki querebatur, nolente et invito Marabotto, easdem fere permanere. Quod maximum mihi dolorem attulit. Equidem D. Marabotto linguae, morum institutorumque imperitus istius loci, ab initio Domui praeesse non potuit, cui postea Poloniae sermone assuefacto, ad Domum dirigentam fuit impedimento D. Chwilowicz, causa interposita se esse Rectorem ab Episcopo electum (quod minime credo), cum a verbis Excellentissimi Stanislai Zdzitowiecki multum discrepet.
D. Marabotto a gubernatione penitus exclusus est; et D. Chwilowicz, natura et moribus nullius consilii patiens est. Ipse tamen Sacerdos, moribus illibatis, laboribus se frangens, sed cum multa perpessus sit, sui iuri non est, ut constat; pronus ad iram et infirmitate nervorum laborans, aedificat ad iram infirmitate nervorum laborans, aedificat et destruit, iuxta sententiam suam et pro bono pacis maxima faciendi libertas ei opus est dare. Arte pueros educandi idem car et in ingenio suo Superiorum voluntates accipit quas ambagibus effugit. Speciem mitis et piis ingenii prae se fert, se velle oboedire verbis declarat, revera voluntatem suam sequitur, Superioribus et Sacerdotibus Congregationis res occultans, non mala voluntate motus se propter mentis infirmitatem excusationes facile invenit, sibi semper favens, culpam in ceteros conferens. Saepe inurbanissime extraneos, moderatores et Domus alumnos tractas. Studia nullo regi ordine, Doctoribus et opibus indigere, mihi constat. Boni consiliis et paternis frustra eum adjuvi.
V084P105
Scio etiam ibi circiter viginti mulieres esse, Domui inservientes, vitam religiosam complecti cupientes, quarum aliquot, contra istius Curiae ordinem, in diversos Poloniae Regiones, mendicatum mittit, quae saepe, ad misericordiam captandam, sibi vestem monasticam induunt. Ceterum semper severissimi moris fuerunt et viri et mulieres, quae diem et noctem opus continuant, et vitam incommodam ad majorem Dei gloriam vivunt. Rudes modos, quibus eas D. Cwilowicz afficit, tantum querimur. Aliud magni momenti nuntio Excellentiae Vestrae: D. Cwilowicz, munere Rectoris fungentem, alumnos confiteri, quin etiam eorum Confessarium fere Ordinarium esse, contra Romanae Ecclesiae decreta, me insciente, et contra nostrarum Domorum morem in Italia et extra Italiam.
Dominum Marabotto semper jussi magna cum charitate agere ut patientia et charitate D. Cwilowicz vinceret et ad meliorem mentem induceret. Nunc tempus mihi agendi est. De questibus autem apud istam R. Curiam datis certior factus, officii duxi me de re Excellentiae Vestrae excusare et rem emendare ut Domus ad regulam exaequetur, ad omnia patatus dum aut optata Excellentiae Vestrae expleantur nihilque fiat praeter S. Canones legesque Sinodales istius loci; aut certe Domus ista pereat.
Omnes meos Sacerdotes legibus obtemperare et nihil quod Ecclesia imperet detrectare et E. Episcopis obnoxios esse, maxime mea interest, ad quorum pedes eos humiliter sincera fide et amore vivere volo. Magna igitur in spe reconciliationis ipsum Marabotto, in Italiam vocatum, quo comitatus est clericos Polonos istuc mittam, ei praecipiens ut Excellentiam Vestram adeat possitque audiri et bonis consiliis Vestrae Excellentiae uti, quae et ego grato animo audiam. Vestra Excellentia audire poterit D.D. Stanislaum Kowalscki, qui abhinc annum unun et dimidium Zdunska - Wola fuit. An D. Chwilowcz a R. Curia Dioecesana gubernator Domus electus sit, et quanto abhinc tempore, scire mihi opus est.
V084P106
Rogo Excellentiam Vestram ut Domun visere velit et, quidquid Divino Afflatu censuerit faciendum, ad Dei gloriam animarumque bonum et me in Domino jubeat. Ipse te parvum a Divina Providentia opus noncupatum, et vivere et perinde ac cadaver esse volumus ad pedes S. Ecclesiae, Jesu Christi Vicarii, Episcoporum, quos Spiritus Santus posuit regere Ecclesiam Dei. Itaque cum in Italia, in Argentina, in Brasilia, in Palestina, tum et in Polonia gerere nos volumus.
Quod de rebus pertristibus Vestram Excellentiam certiorem feci, molestissime fero, sed Patri Coelesti confisus, qui deprimit et sublevat, frangit et reficit, firmiter spero me, gratia Dei et charitate E. V. nisum, maxima cum prudentia et promptissimo animo, brevi tempore posse, mala gravissima, quae conquestus sum, removere.
Rogo Deum ut de paterno auxilio et studio, Excellentiae Vestrae gratiam referat et spirituali sit solacio.
Sacrum anulum osculo, ut mihi benedicat, Excellentiam Vestram rogo.
In Christo Jesu Domino Nostro et in Beata Dei Genitrice Maria me humillimum servum profiteor.